«Далянь Ифан»нинг аргентиналик ярим ҳимоячиси Николас Гайтан Хитой чемпионатида «Бэйцзин Гоань»га қарши ўйин вақтида (0:3) ҳушидан кетди, деб ёзмоқда «Championat.com»
Гайтанга биринчилардан бўлиб, жамоадоши Янник Феррейра-Карраско ёрдамга келди, у майдонга шифокорлар чиққунича Гайтанга сунъий нафас берган.
Карраско 2018 йилнинг қишки трансферлари вақтида Гайтан билан «Атлетико»дан «Далянь»га йўл олган эди. 30 ёшли футболчи ҳозирда шифокорлар назоратида қолмоқда.
Гайтан ва Карраско билан «Далянь Ифан» охирги уч ўйинда умумий 0:13 ҳисобидаги мағлубиятни қабул қилди.
Изоҳ (0)