Ўзбекистон Республикаси Фавқулодда вазиятларнинг олдини олиш ва уларни бартараф қилиш давлат тизими (ФВДТ)нинг 2018 йил учун аҳоли ва ҳудудларни фавқулодда вазиятлардан ҳимоя қилиш бўйича асосий тадбирлари режасига мувофиқ, жорий йилнинг февраль мартида Қорақалпоғистон Республикаси, вилоятлар ва Тошкент шаҳрида қутуриш касаллигига қарши кураш бўйича тактик махсус ўқув машқлари ўтказилди. Бу ҳақда Фавқулодда вазиятлар вазирлиги хабар бермоқда.
Тактик махсус ўқув машқларини тайёрлаш ва ўтказиш тадбирларида жами шахсий таркибдаги 2910 киши, шунингдек, 177 та автомобиль ва махсус техника иштирок этди.
Ўқув машқлари чоғида қарийб 67,5 мингта ит қутуришга қарши эмланди. Бундан ташқари, 265 мингдан ортиқ хўжалик кўздан кечирилди, 150 дан зиёд ўқув семинари ўтказилди.
Изоҳ (0)