Япониянинг Ўзбекистондаги элчихонасида ижтимоий лойиҳаларга беғараз ёрдам кўрсатади

9 март куни Япониянинг Ўзбекистондаги элчихонасида «Кичик миқёсли ижтимоий лойиҳаларга беғараз ёрдам» дастури доирасида грант шартномалари имзолаш маросими бўлиб ўтди. Бу ҳақда элчихона ходимлари «Дарё»га хабар берди.

Шартнома имзолаш маросимида Япония элчиси Нобуаки Ито иштирок этди.

1995 йилдан бошлаб ушбу дастур доирасида Ўзбекистонда тиббиёт ва таълим муассасалари, маҳаллий ҳокимият органлари ва нодавлат нотижорат ташкилотлари  томонидан жами 26 595 588 АҚШ долларилик 371 та лойиҳа амалга оширилди.

Бугун ҳам Ўзбекистондаги тиббиёт ва таълим муассасалари билан жами 687 141 АҚШ долларилик 12 та шартнома имзоланди.

Хусусан, Республика шошилинч тиббий ёрдам илмий маркази Наманган филиали Япония элчихонаси гранти асосида 110 607 долларлик тиббиёт ускуналари билан таъминланади.

Самарқанд вилояти Жомбой тумани 9-сонли мактабгача таълим муассасаси эса грант асосида 33 723 долларлик ускуналарга эга бўлади.