Россиянинг Сурияда қулаган Ан-26 транспорт самолёти бортида 39 киши — 33 нафар ҳарбий ва 6 нафар экипаж аъзоси бўлган. Уларнинг барчаси ҳалок бўлди, дея хабар беради «РИА Новости».
Олдинроқ ҳаво кемасида 26 йўловчи ва 6 нафар экипаж аъзоси, жами 32 киши бўлгани билдирилганди.
Алепподан парвоз қилган ва Хмеймим аэродромига 500 метр қолганда ер билан тўқнашган самолёт ҳалокатига техник носозлик сабаб бўлгани тахмин қилинмоқда. Россия мудофаа вазирлиги ҳаво кемасига ҳужум уюштирилмаганини таъкидламоқда.
Вазирликка кўра, 27 нафар зобит ҳалокат қурбони бўлди. Улар орасида генерал-майор ҳам бўлган. ОАВ унинг Владимир Еремеев эканлигини айтмоқда.
Изоҳ (0)