Саудия Арабистонида аёлларга армияда хизмат қилиш рухсат этилди. Бу ҳақда Khaleej Times нашри хабар берди.
Эндиликда ар-Риёд, Мадина ва ал-Қосим шаҳарларида аёллар қироллик қуролли кучларида хавфсизликни таъминлаш билан боғлиқ ишларга кира олади. Ишга номзодларга 12 та талаб қўйилади. Жумладан, аёллар 25–35 ёш орасида бўлиши, тугалланган ўрта маълумотга эга бўлиши лозим.
Бундан ташқари, номзод аёлга васий эркак — эри, отаси, акаси ёки ўғли бўлиши, улар аёл ишлайдиган вилоятда яшаши талаб этилади.
Изоҳ (0)