17 январь куни Тошкент шаҳар Мирзо Улуғбек тумани ИИБ ходимлари томонидан туман ҳудудида жойлашган Информатика касб-хунар коллежида «Давомат» тадбири ўтказилди. Бу ҳақда Тошкент шаҳар ИИББ хабар бермоқда.
Ўтказилган тадбир давомида муассасага кириш жойида ушбу коллежнинг 3-босқич талабаси, 1999 йилда туғилган Ҳожиматов Жамшид Раҳимжон ўғли ўқув муассасасига белгиланмаган кўринишда (соқоли олинмаган, спорт кийимида) кирмоқчи бўлгани сабабли унга танбеҳ берилди, бироқ у Ички ишлар органи ходимларининг қонуний талабларига бўйсунмади.
Коллеж раҳбарияти билан ўтказилган суҳбат давомида Ж.Р. Ҳожиматов салбий тарафдан тавсифлангани учун унинг ота-онаси, қариндошлари, махалла фуқаролар йиғини фаоллари ҳамда жамоатчилик иштирокида муҳокама қилинди.
Ҳолат юзасидан МЖтКнинг 183 ва 194-моддалари билан маъмурий баённомалар расмийлаштирилди.
Изоҳ (0)