Миллионлар ўйини афсонаси Роналдиньо 37 ёшида бутсаларини михга илди

Ўзининг бетакрор ўйинлари билан мухлислар қалбидан жой олган Роналдиньо футболчилик карьерасини якунлади.

Тўлиқ исми Роналдо да Ассис Морейра бўлган ва Ронни, Роналдиньо номлари билан футбол оламида порлаган футболчининг сўнгги жамоаси «Флуминенсе» бўлди. Фаолияти давомида «Гремио», «ПСЖ», «Барселона», «Милан», «Фламенго», «Атлетик Минейро», «Керетаро» каби клубларда тўп сурган Роналдиньо, 2016 йилдан бошлаб Ҳиндистоннинг икки мини-футбол клубида ҳам ўйнашга улгурди.

Роналдиньо Бразилия миллий терма жамоаси сафида 97 та учрашув ўтказиб, 33 та гол уришга эришди. У 1999 йил бразилияликлар билан Америка Кубогидаги зафар қучди, 2002 йил эса жаҳон чемпионлигига эришди. 2005 йилга келиб Конфедерациялар Кубогининг олтин медалларига эга чиқди.

Футболчининг акаси берган маълумотга кўра, Роналдиньо бу йил бир қатор мамлакатларда ўзининг хайрлашув учрашувларини ўтказади.