Япониянинг CBG Group компанияси янги форматда ташкил этилаётган Ўзбекистон Супер Лигасига титул ҳомий бўлиш истагини билдирди. Бу ҳақда ЎФФ матбуот хизмати хабар берди.
МОҚ президенти этиб сайланган ва бир вақтнинг ўзида мамлакат футболига раҳбарлик қилаётган Умид Аҳмаджонов бугун — 17 январь куни CBG Group компаниясининг халқаро алоқаларига жавобгар бўлган Аран Олснер билан учрашган. Ўзаро фикр алмашиш чоғида японияликлар Ўзбекистон Супер Лигасига титул ҳомий бўлиш истагини билдирган. Уларни чемпионат формати янги кўринишга ўтаётгани қизиқтириб қолгани катта эҳтимол.
ЎФФ маълумотига кўра, CBG Group компанияси ичимлик ва сут маҳсулотлари ишлаб чиқаради. Унинг жаҳон мамлакатларида бир қатор филиаллари мавжуд. Агар компаниянинг таклифи ЎФФ ва ПФЛ раҳбариятини қаноатлантирса, тарихда илк бор Ўзбекистон чемпионати титул ҳомийга эга бўлиши мумкин. Ҳозир бу борада икки томон ўртасида музокаралар давом этмоқда.
Изоҳ (0)