Швеция ретейлери H&M (Hennes & Mauritz) болалар коллекцияси рекламасидан сўнг ирқчиликда айбланди. Рекламада «Чангалзордаги энг ажойиб маймунча» ёзуви туширилган кийимни қора танли бола тақдим этган, деб ёзади CNBC.
Twitter фойдаланувчилари савдо маркасини бойкот қилишга чақирди, шунингдек, маркетологлар бу рекламани ўйлаб чиқаётганда маст ёки психофаол моддалар таъсирида бўлганлигини тахмин қилди.
Танқиддан сўнг H&M рекламани ўчирди. Компания вакили ретейлер таҳқирлаш учун чин кўнгилдан узр сўраши ва келажакда бу каби муаммолар олдини олиш учун ўз сиёсати устида ишлашини маълум қилди.
H&M сайтдан модель суратини олиб ташлади, маймун ҳақидаги ёзув туширилган свитерни ҳамон сотиб олиш мумкин. Болалар коллекциясида жирафа ва йўлбарс суратлари туширилган свитерлар ҳам бор, уларни оқ танли болалар реклама қилган.
Изоҳ (0)