Boat International нашри дунёнинг 200 та энг узун яхталаридан иборат рейтингни эълон қилди. «Ведомости» рейтингнинг биринчи ўнта поғонасидан ўрин олган яхталар билан таништирди.

Фото: «Ведомости»

БАА амирлик оилаларидан бирига тегишли 141 метрли Yas ўнинчи ўринни эгаллади. 1978 йилда қурилган яхта 60 йўловчи ва 56 экипаж аъзосини сиғдира олади.

Фото: «Ведомости»

Тўққизинчи ўринда — «Еврохим» директорлар кенгаши раиси (Россия) Андрей Мельниченконинг буюртмаси билан ясалган Sailing Yacht A елканли яхтаси. Унинг узунлиги — 143 метр.

Фото: «Ведомости»

1865 йилда сувга туширилган 145 метрли El Mahroussa саккизинчи поғонада жойлашди. Ҳозирда у Миср ҳарбий-денгиз флоти тасарруфида бўлиб, президент яхтаси сифатида хизмат қилади.

Фото: «Ведомости»

147 метрли Prince Abdulaziz яхтаси Саудия Арабистони қироли Абдулла буюртмаси билан 1984 йилда қурилган. Уни ясаш 184 миллион долларга тушган. Интерьернинг ўзига хос жиҳатларидан бири — бош палубадаги катта лобби «Титаник» интерьерини такрорлайди.

Фото: «Ведомости»

Олтинчи ўриндаги Topaz яхтаси Prince Abdulaziz’дан 25 сантиметрга узунроқ. У 2012 йилда машҳур архитектор Тим Хэйвуд дизайни бўйича қурилган.

Фото: «Ведомости»

Уммон султони Қобус бин Саидга тегишли 155 метрли Al Saïd яхтаси — бешинчи ўринда. У вертолёт майдони, кинотеатр ва концерт залига эга.

Фото: «Ведомости»

Тўртинча ўринни, ОАВ маълумотларига кўра, USM Holdings эгаларидан бири Алишер Усмоновга тегишли 157 метрли Dilbar яхтаси эгаллади. У 40 нафар меҳмон ва 80 нафар экипаж аъзоси учун мўлжалланган. ОАВ уни тахминан 600 миллион долларга баҳоламоқда.

Фото: «Ведомости»

Катталиги бўйича дунёда учинчи — Дубай амири ва БАА бош вазири Муҳаммад ибн Рашид ал-Мақтумга тегишли 162 метрли Dubai яхтаси.

Фото: «Ведомости»

Иккинчи ўринда — Роман Абрамовичнинг буюртмаси билан 2010 йилда қурилган 162,5 метрли Eclipse яхтаси.

Фото: «Ведомости»

Сўнгги беш йилликнинг мутлақ рекордчиси эса 180 метрли Azzam яхтаси бўлди. Тахминларга кўра, у БАА қироллик оиласи аъзоси буюртмаси билан қурилган.