Самарқанд шаҳридаги диққатга сазовор масканлар байрам кунларида саёҳатчилар билан гавжум бўлди, деб ёзади ЎзА.
Самарқандни зиёрат қилишни анчадан буён ният қилиб юрардим. Лекин ўғлим ишидан бўш вақт тополмаётгани учун саёҳатимиз орқага сурилиб келаётганди. Янги йил байрами муносабати билан беш кунлик узлуксиз дам олиш кунлари белгилангани жуда яхши иш бўлди. Мана самараси, биз ҳам Самарқанддамиз. Зиёратимизни Имом Бухорий қадамжосидан бошлаб, яна кўплаб тарихий обидаларни кўрдик. Биринчи Президентимиз руҳи покларига тиловат қилдик. Шу тариқа Янги йилни янгича куч-ғайрат, руҳий енгиллик билан бошладик.Абдулла Саидов, хоразмлик сайёҳ
Иш юзасидан Самарқандга кўп келган бўлсам-да, вақт тиғизлигидан шаҳардаги тарихий-маданий обидаларни томоша қила олмаганман. Бу гал қулай имконият туфайли Самарқандга бутун оиламиз билан келиб Амир Темур мақбараси, Шоҳи Зинда ёдгорлиги, Регистон мажмуаси ва бошқа масканларни зиёрат қилдик. Чет давлатларда одамлар байрамни саёҳат қилиб нишонлашини эшитардик. Яратганга шукр, бугун биз ҳам ана шундай бахтга эришиб турибмиз. Оила аъзоларимизнинг барчаси Янги йилдаги саёҳатдан мамнун.Самарқанд шаҳридаги Регистон мажмуаси раҳбарияти маълумотларига кўра, Янги йилнинг дастлабки кунларида ушбу масканни 2 мингдан ортиқ маҳаллий, 200 га яқин хорижлик сайёҳ томоша қилган.Муҳаммаджон Ғаниев, фарғоналик сайёҳ
Изоҳ (0)