Ўзбекистон туризмни ривожлантириш давлат қўмитаси ахборот марказининг махсус телефон хизмати (71) 200−00−88 ўз ишини бошлади. Бу ҳақда «Газета.uz» хабар бермоқда.
Сайёҳлар ушбу телефон рақамига куннинг исталган вақтида қўнғироқ қилиб, Ўзбекистон бўйлаб саёҳат қилишга доир ҳар қандай саволларга жавоб олиши мумкин.
Хабарда қайд этилишича, одатий саволларга дарҳол жавоб берилади. Аниқлик киритиш керак бўлган саволларга эса агарда қўнғироқ иш вақтида амалга оширилган бўлса қўмита мутахассислари жавоб бериши мумкин.
Қўмита келгусида сайёҳларга қулайлик яратиш мақсадида қисқа рақамни (тўрт рақамли) ишга туширишни режалаштирмоқда.
Изоҳ (0)