Ер сайёрасининг мобил алоқа етиб бормаган 10 ҳудуди (фото)

Дунёда шундай ҳудудлар борки, у ерда на қўнғироқ қилиш, на интернетдан фойдаланиш имконияти мавжуд. «Billionnews.ru» интернет-нашри дунёда умуман телефон алоқаси мавжуд бўлмаган 10 та жой номини эълон қилди.

Кифука, Конго Демократик Республикаси

Кифука — дунёдаги энг хавфли ҳудудлардан бири. Статистика маълумотларига кўра, йилига бир квадрат километрга 158 та яшин зарбаси келиб урилади. Шунга кўра, ҳар қандай электрон қурилма фойдаланишни ўз жонига қасд қилиш билан тенглаштириш мумкин.

Грин Бэнк, АҚШ, Ғарбий Виржиния

Грин Бэнкда дунёдаги энг катта телескоп жойлашган, унинг вазифаси космосдан келадиган энг заиф сигналларни тутишдан иборат. Шунинг учун ҳудудда ўзидан электромагнит нурларини таратувчи ҳар қандай қурилмани ишлатиш тақиқланади. Бундай қурилмалар рўйхатига эса телефон алоқаси, Wi-Fi тармоғи ва ҳатто радио ҳам киради.

Мотуо, Хитой Халқ Республикаси

Мотуо Тибет ҳудудида жойлашган бўлиб, маҳаллий буддавийлар бу жойни муқаддас ҳисоблашади. Мотуога кўтарилиш жуда ҳам қийин. У ерга бориш учун 200 метр узунликдаги осмакўприкдан ўтишга ҳар кимнинг ҳам юраги дош бермайди. Шу кўприк туфайли ҳам бу ҳудудда аҳоли яшамайди ва бу ерда алоқа воситаларнинг ишлаши ғалати ҳолат бўлган бўлар эди.

Мули, Фарер ороллари

Олдиндан айтиб бўлмайдиган ноқулай об-ҳаво шароитига эга ҳудудда, ҳаёт кечириш учун зарур бўладиган ресурслар деярли мавжуд эмас. Мулида атиги 4 нафар маҳаллий аҳоли бўлиб, бундай оғир шароит ҳам уларга ҳудудни ташлаб кетишларига таъсир ўтказа олмайди. Ҳудудда туризмдан сўз очишнинг имкони йўқ, шунинг учун Мулини ташландиқ жой деб ҳам атаса бўлади. Телекоммуникация ҳақида эса гап бўлиши мумкин эмас.

Питкэрн ороли, Тинч океани

Питкэрннинг аҳолиси бор йўғи эллик кишидан иборат. Бу ерда цивилизация билан боғлиқ деярли ҳеч нарса йўқ. Шу жумладан, телефон алоқаси ва интернет Питкэрнда умуман мавжуд эмас. Аҳоли ташқи дунё билан фақатгина ҳудудга бир ойда бир марта келадиган кема орқали алоқага чиқиши мумкин.

«Академик Вернадский» станцияси, Галиндез ороли, Антарктика

Украинанинг Антарктикадаги ягона илмий-тадқиқот станцияси. Ташқи дунё билан алоқа фақат сунъий йўлдош орқали амалга оширилади. Станцияда интернет мавжуд, бироқ унинг тезлиги баъзида почта орқали электрон хабарларни юборишга ҳам етмайди.

Вайау Лаут, Филиппин

Маҳаллий аҳоли умрининг кўп қисмини сув устида ўтказгани учун «денгиз лўлилари» номи билан юритилади. Улар камдан кам қирғоққа тушишади. Вайау Лаут  яшаш учун энг яроқсиз бўлган ҳудудлар рўйхатига киради. Бу ерда на ичимлик суви, на электр энергияси ва на ташқи дунё билан алоқа бор. Лекин шундай шароитда ҳам ҳаёт кечира олаётган аҳолига фақатгина тасанно дейиш мумкин.

Сокотра ороли, Ҳинд океани

Орол ташқи дунёдан бутунлай ҳимоялангани учун «Ердаги бегона ҳудуд» номи билан аталади.  Бу ерда ғаройиб ва ноёб ўсимликларни учратиш мумкин. Мобил алоқа ва интернет йўқлигига қарамай, Сокотрада 42 мингга яқин аҳоли истиқомат қилади.

Оймакон, Ёқутистон

Дунёда аҳоли яшайдиган энг совуқ ҳудуд Оймакон қишлоғи ҳисобланади. Ҳудуддаги энг совуқ ҳарорат -71°С деб рўйхатга олинган. Бундай совуқ ҳароратда деярли ҳамма нарса музлаб қолади. Мобил алоқа ёки интернетнинг бунақа ҳароратда ишлай олишини эса тасаввур қилиш имконсиз. Аҳоли ташқи дунё билан фақатгина ёз фаслида, ҳафтада бир марта келадиган самолёт орқали алоқа қилиши мумкин.

Фақат мулоҳаза юритиш ва ички хотиржамликка эришиш мақсадида барпо этилган қишлоқча Гораи ҳисобланади. Гораига телефон, планшет ва шу каби гаджетлар билан киришга рухсат берилмайди. Телефонда суҳбатлашилмаганлиги туфайли ҳам бу ерга алоқа хизмати етиб келмаган. Гораига қадам қўйган инсон ҳудудда ўрнатилган қонун-қоидаларга сўзсиз амал қилиши шарт. Вақтида ухлаш, овқатланиш, дам олиш ва мулоҳаза қилиш ҳудуднинг асосий тартиб қоидаси ҳисобланади. Бундай тартиб-қоида кимга ҳам ёқмайди!?

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.