Италия А сериясининг 18-туридан кейин ҳам «Наполи»нинг пешқадамлигини давом этадиган бўлди.
Неаполлик футболчилар «Сампдория»га қарши учрашувда иродали ғалабани қўлга киритди. Иккинчи бўлимда Сарри жамоаси майдонда бир киши кам қолса-да, улар ғалабани сақлаб қола олди.
«Ювентус» эса кетма-кет еттинчи чемпионлик илинжида «Наполи»ни таъқиб қилиб келмоқда. Аллегри жамоаси марказий ўйинда Римнинг «Рома» клубини қабул қилди ва 1 та аниқ зарба эвазига зафар қучди. Айни вақтда туринликларни пешқадамликдан 1 очко ажратиб турибди.
Милан клублари учун мазкур тур ҳам омадсиз келди. Мауро Икардининг ноаниқ пенальтиси сабаб «Интер» кутилмаганда «Сассуоло» майдонидан қуруқ қўл билан қайтди.
Европа Лигасида «Лион», «Эвертон» каби клублардан яхшироқ ўйнаган «Аталанта» эса «Милан» устидан ишончли ғалабага эришди. Женнаро Гаттузо «Милан»ни қабул қилиб олгач, клуб А серияда 4 та ўйин ўтказди ва шуларнинг 2 тасида имкониятни бой берди. Кўринишидан Гаттузо ҳам истеъфо сари яқинлашиб келмоқда.
Италия А серияси 18-тур ўйинлари 22 декабрь, жума
«Кальяри» — «Фиорентина» 0:1
Гол: Хоума Бабакар, 82 (0:1).Четлатиш: Жоао Педро, 93+ (К).23 декабрь, шанба
«Лацио» — «Кротоне» 4:0
Голлар: Жордан Лукаку, 56 (1:0). Чиро Иммобиле, 78 (2:0). Сенад Лулич, 86 (3:0). Фелипе Андерсон, 89 (4:0).«Спал» — «Торино» 2:2
Голлар: Яго, 1 (0:1). Яго, 10 (0:2). Федерико Вивиани, 42 (1:2). Мирко Антенуччи, 69-пен (2:2).«Сассуоло» — «Интер» 1:0
Гол: Диего Фальчинелли, 34 (1:0).Ноаниқ пенальти: Мауро Икарди, 49 (I).«Наполи» — «Сампдория» 3:2
Голлар: Гастон Рамирес, 2 (0:1). Аллан, 16 (1:1). Фабио Квальярелла, 27-пен (1:2). Лоренцо Инсинье, 33 (2:2). Марек Ҳамшик, 39 (3:2).Четлатиш: Мариу Руй, 77 (Н).«Милан» — «Аталанта» 0:2
Голлар: Брайан Кристанте, 32 (0:1). Йосип Иличич, 71 (0:2).«Ювентус» — «Рома» 1:0
Гол: Меҳди Бенатиа, 18 (1:0).
Изоҳ (0)