Ўзбекистон Ташқи савдо вазири Элёр Ғаниев ўз лавозимидан озод этилди. Бу ҳақда «Kun.uz» ўз манбасига асосланиб хабар бермоқда.

Элёр Ғаниев.
Фото: ХПК

Хабар беришларича, Ўзбекистон Ҳисоб палатаси раиси биринчи ўринбосари сифатида ишлаб келган Жамшид Хўжаев Ташқи савдо вазирлиги раҳбарига айланган.

Маълумот учун, 1960 йилда туғилган Элёр Ғаниев

  • 1997—2002 йилларда ташқи иқтисодий алоқалар вазири,
  • 2002—2005 йилларда Ташқи иқтисодий алоқалар агентлиги раиси (бош вазир ўринбосари),
  • 2005—2006 йилларда ташқи ишлар вазири (бош вазир ўринбосари),
  • 2006—2010 йилларда ташқи иқтисодий алоқалар, инвестициялар ва савдо вазири,
  • 2010—2012 йилларда ташқи ишлар вазири (бош вазири ўринбосари),
  • 2012 йил январидан Ташқи иқтисодий алоқалар, инвестициялар ва савдо вазири

лавозимида ишлаб келган.

Ўзбекистон Президентининг 2017 йил 13 апрелдаги фармони билан, Ташқи иқтисодий алоқалар, инвестициялар ва савдо вазирлиги Ташқи савдо вазирлиги этиб қайта ташкил этилган эди.