Фотогалерея: Дунёнинг турли бурчакларидаги 1 миллион долларлик уйлар

AdMe 1 миллион доллар эвазига дунёнинг турли бурчакларидан қандай уй сотиб олиш мумкинлиги тасвирланган суратларни тўплаб тақдим этди.

Нью-Йорк, АҚШ — 1 090 000 доллар

Бир миллион доллар эвазига бу каби ёрқин апартаментлар билан жиҳозланган, ошхона, ювиниш хонаси ва битта ётохонага эга уйни сотиб олиш мумкин. Апартаментлар меҳмонхона биносида жойлашганлиги учун унинг маъмурияти бу ерда яшаш тартибини белгилаб беради. Масалан, бинода уй ҳайвонлари билан яшаш мумкин эмас.

Детройт, АҚШ — 1 000 000  доллар

Ушбу кошонанинг ёши 130 дан ортиқ. Бу ерда 6 кишига мўлжалланган ётохона мавжуд ва бино газ ёрдамида иситиладиган тизимга эга. Уй капитал таъмирлашга муҳтож.

Париж, Франция — 999 000 доллар

Салкам бир миллион доллар эвазига Париждан уч хонали уй сотиб олиш мумкин. Бу ерда ошхона, ётохона, меҳмонхона жойлашган. Уй эгалари бир неча квартира учун мўлжалланган умумий ер майдонидан фойдаланишлари мумкин.

Севр, Франция — 996 600 доллар

Франциядаги ушбу кичкина шаҳарчадан юқоридаги маблағ эвазига бассейн ва катта томорқага эга уй сотиб олиш мумкин.

Милан, Италия — 921 441 доллар

1 миллион долларга эгалик қилувчи шахс Миландаги яхши даҳалардан биридан уч хонали уй сотиб олиши мумкин.

Барселона, Испания — 1 000 000 доллар

Шунингдек, 1 миллион долларга Каталониядан кантри-усулида қурилган уйни ҳам сотиб олса бўлади.

Валенсия, Испания — 882 200 доллар

Ушбу уйда 7 та хона, гараж ва хўжалик учун мўлжалланган кўплаб хоналар мавжуд.

Монреал, Канада — 998 000 доллар

Монреалда ушбу пул эвазига 4 та ётоқхонаси ҳамда бассейни мавжуд уйга эгалик қилса бўлади.

Токио, Япония — 1 068 165 доллар

Бир миллион доллардан ортиқроқ маблағга метродан 5—10 дақиқалик узоқликда жойлашган кошонани сотиб олса бўлади.

Москва, Россия — 906 318 доллар

Салкам бир миллион долларга Москва марказидан уч хонага эга ҳашаматли квартирани сотиб олиш мумкин.