Бугун — 23 октябрь куни Лондондаги «Палладиум» театри дунё футболи юлдузлари ва миллионлар ўйинининг энг олди кишиларини ўзида жамлайди. Боиси ФИФА бугун ўзининг The Best Football Awards йиллик маросимини ўтказади.
UzReport ва Futbol-TV телеканаллари мазкур маросимни Ўзбекистон ҳудудида трансляция қилиш ҳуқуқини қўлга киритди. Бу ҳақда телеканалларнинг ижтимоий тармоқлардаги расмий саҳифаларида маълумот берилди.
Тошкент вақти билан 22:00 да бошланадиган маросим ҳар икки телеканалда тўғридан-тўғри эфирга узатилади. Бу билан ўзбекистонлик футбол мухлислари 2017 йилнинг энг яхшиларини тақдирлаш маросимини жонли кўриш имкониятига эга бўлади.
ЎФФ ва «Пахтакор» клуби президентлари Умид Аҳмаджонов ҳамда Бобур Шодиевнинг мазкур маросимда иштирок этиш учун Лондонга учиб кетган.
Изоҳ (0)