5-ўрин — шармандали «ЦСКА»
Москвада «Базел»га имкониятни бой берган «ЦСКА» футболчилари ўз мухлисларини ранжитди. Боиси, «армиячилар» бутун учрашув давомида дарвозага 1 та ҳам аниқ зарба бера олмади.
Шу куни «Базел» шарафини ҳимоя қилган Марек Сухи «ЦСКА» ҳужумчиларига эркин нафас олиш имконини бермади. Ҳимоячи ўзи иштирок этган 15 та яккакурашнинг барчасида рақибларидан устун чиқди.
4-ўрин — Жерар Пике
Чемпионлар Лигасининг 3-турида «Барселона» бир киши кам бўла туриб «Олимпиакос» устидан зафар қучди — 3:1. 43-дақиқада Жерар Пике тўпни қўли билан ўйнагани учун иккинчи бор огоҳлантирилди ва майдондан четлатилди.
Пике Чемпионлар Лигасида бунга қадар бирор марта ҳам қизил карточка олмаганди. «Олимпиакос»га қарши беллашувни у энди узоқ вақт эслаб қолади.3-ўрин — Миле Свилар
Яқиндагина «Андерлехт» клубининг ёшлар таркибида юрган мазкур дарвозабон Чемпионлар Лигасида дебют қилди. Қўл остида икки машҳур посбон бўлишига қарамай, «Бенфика» бош мураббийи айнан Свиларни асосий таркибга киритди.
Бу билан бельгиялик спортчи Чемпионлар Лигасида ўйин ўтказган энг ёш дарвозабонга айланди. «Юнайтед»га қарши учрашувда у 18 ёш-у 52 кунлик эди. 18 ёш-у 118 кунлигида Чемпионлар Лигасида иштирок этган Икер Касильяс 18 йил давомида бундай мақомни ўзида сақлаб келганди.
Свилар учун дебют ўйин муваффақиятли кечмади. «Юнайтед» айнан унинг хатосидан сўнг ғалаба голини уришга муваффақ бўлди.
2-ўрин — Килиан Мбаппе
Эндиликда Мбаппе 19 ёшига қадар Чемпионлар Лигасида энг кўп гол урган футболчига айланиб олди. Бунга қадар голландиялик Патрик Клюверт етакчи эди.
18 ёшли франциялик ҳужумчи Чемпионлар Лигасида ҳозиргача 8 та гол уришга муваффақ бўлди. Ўтган мавсумни «Монако» сафида ўтказган Мбаппе плей-оффда 6 та гол уриб, жамоасининг ярим финалга қадар етиб боришида муҳим фигура бўлганди. Янги мавсумни «ПСЖ» сафида бошлаган Мбаппе жорий мавсум яна 2 та гол уриб улгурди.1-ўрин — Лионель Месси
Аргентиналик ҳужумчи «Олимпиакос» дарвозасига гол уриб, еврокубоклардаги аниқ зарбалари сонини 100 тага етказиб олди.
Месси Чемпионлар Лигасида ҳозирга қадар 97 та гол уришга эришган. Европа Суперкубогида эса 3 бор муваффақият қозонган.
«Барселона» форварди еврокубокларда гол уриш бобида Криштиану Роналдудан кейин иккинчи бўлиб турибди. «Реал» ҳужумчиси ҳозирга қадар 110 та гол уришга эришган.
Изоҳ (0)