Туркиянинг «Бешиктош» клуби Чемпионлар Лигаси гуруҳ босқичини «Манчестер Сити» каби йўқотишларсиз давом эттирмоқда.
Бунга қадар Португалияда «Порту»ни, ўз майдонида Германия вице-чемпиони «Лейпциг»ни таслим қилган «Бешиктош» футболчилари, энди Франция чемпионини Монакода енгишга муваффақ бўлди. Бунда туркиялик футболчилар ўз иродасини намойиш эта олди.
Шу тариқа «Бешиктош» 9 очко билан гуруҳ пешқадами бўлиб турибди. Шенол Гунеш жамоаси плей-офф босқичи учун яхшигина қадам ташлаб бўлди. Кейинги уч турда қўлга киритиладиган 1 очко ҳам Туркиянинг амалдаги чемпиони учун етарли бўлиши мумкин. Эҳтимолий жиҳатдан «Бешиктош»да 9 очко билан ҳам гуруҳдан чиқиш имконияти бор.
Ўтган мавсум Чемпионлар Лигасида ярим финалга қадар етиб борган Франция чемпиони «Монако», жорий мавсум оқсашда давом этмоқда. Илк турда Германиядан 1 очко билан қайтган монаколиклар, ўз майдонларида ўтган кейинги икки турни бой бериб улгурди. Трансфер ойнасида бир қатор етакчи футболчиларини «Сити» ва «ПСЖ»га сотишга мажбур бўлган «Монако»нинг плей-оффга йўл олиши катта сўроқ остида.
Европа Чемпионлар Лигаси «G» гуруҳи. 3-тур 17 октябрь, сешанба
«Монако» — «Бешиктош» 1:2
Голлар: Радамель Фалькао, 30 (1:0). Женк Тосун, 34 (1:1). Женк Тосун, 54 (1:2).«Лейпциг» — «Порту» 3:2
Голлар: Вилли Орбан, 8 (1:0). Венсан Абубакар, 18 (1:1). Эмил Форсберг, 38 (2:1). Жан-Кевин Огюстен, 41 (3:1). Иван Маркано, 44 (3:2).
Изоҳ (0)