Жанубий Корея аҳолиси Gangnam Style қўшиғига атаб ўрнатилган ҳайкални кескин танқид қилишда давом этмоқда, деб хабар берди «РИА Новости».
Ўзаро бирлашган улкан қўлларни ифода этган ҳайкал лойиҳаси аввал бошиданоқ яхши кутиб олинмаганди. Унга ҳатто қўшиқ муаллифи PSY ҳам қарши чиққан. Шунга қарамай, 2016 йилда ҳайкал Сеулнинг COEX савдо-кўргазма маркази ёнига ўрнатилган эди.
Орадан бир ярим йил вақт ўтган бўлса-да, кореяликлар ҳамон ушбу ҳайкал борасида норозиликларини билдирмоқда. Кўпчилик уни жуда хунук ва асоссиз қиммат дея ҳисоблайди. «400 миллион вон (353 минг доллар) сарфланган Gangnam Style ҳайкали жуда хунук кўринишга эга», — деб ёзади Twitter фойдаланувчиларидан бири.
Ҳайкал фақатгина туристлар орасида машҳурликка эга. Лиам Галлахер ҳамда Coldplay гуруҳининг мусиқачилари ҳайкал фонида суратга тушиш учун атайлаб унинг олдига боришган. «Биз Кореядаги энг яхши нарсани топдик», — деб ёзади америкалик Жонан Шеффлер.
Жанубий кореялик рэпер PSY ўзининг Gangnam Style клипини эълон қилганидан сўнг, уни икки ой ичида 100 миллионга яқин одам томоша қилган. Беш йил давомида клип 2,9 миллиард маротаба томоша қилинган.
Изоҳ (0)