Германиянинг Бонн шаҳри аҳолиси футбол майдони четига ўрнатилган панжарага тиқилиб қолган типратиканни қутариш учун ўт ўчирувчилар бригадасини ёрдамга чақиришди. Ҳашаротхўр темир кескич ёрдамида чиқариб олинди. Типратиканга ҳеч қандай жароҳат етмаган, бироқ у «яхшигина чарчаган», деб хабар берди TJournal.

Ҳодиса 5 октябрь куни содир бўлган. Озод этилган типратиканни маҳаллий аҳоли ўзларининг боғига, барглар остида дам олиб ўзига келиб олиши учун олиб кетишган. Кечга яқин у қўйиб юборилган.

Типратиканлар бўйича эксперт Тинус Хабичнинг айтишича, типратиканлар емиш қидиришда кўпинча ўзининг ҳид билиш қобилиятига ишониб турли жойларга, жумладан, трубларга ҳам тиқилиб қолишади.

Типратиканлар емиш ҳидини сезганида яна нимани ҳам ўйлар оларди. Улар хавфни ўйламайди ва шу сабабли нохуш вазиятга тушиб қолади.

Типратиканлар орқага қараб юра олмайди, уларнинг умуртқаси шундай тузилган, шу сабабли мен трубаларга тиқилиб қолган типратиканларни кўп учратаман. Мен одамларга шу турдаги жойларга киришни ёпиб қўйишларини маслаҳат берган бўлардим.

Тинус Хабич, типратиканлар бўйича эксперт