Фотогалерея: Машҳурларнинг ўлимидан бир неча кун олдин олинган суратлари

AdMe ҳаётдан кўз юмишидан бир нега кун олдин тарихга муҳрланган машҳурларнинг суратларини тўплаб тақдим этди.

Фредди Меркьюри (45 ёш)

Queen рок-гуруҳи вокалистининг 1991 йилда олинган сурати. Мусиқачи ўлимининг сўннги кунларига қадар касаллиги ҳақидаги миш-мишларни рад этиб келган. Ўлимидан бир кун олдин эса ОИТС оқибатида бронхопневмония билан оғриганини маълум қилган.

Стив Жобс (56 ёш)

Стив Жобс уйида, яқинлари қуршовида, ошқозoности саратони оқибатида жон берган.

Хит Лежер (28 ёш)

Хит Лежер The Imaginarium of Doctor Parnassus фильмидаги сўнгги ролини ижро этмоқда. Орадан бир неча кун ўтгач актёр оғриқ қолдирувчи дори воситаларини ҳаддан ортиқ истеъмол қилиб юборганлиги оқибатида юзаган келган ўткир интоксикация туфайли вафот этган.

Муҳаммад Али (74 ёш)

Муҳаммад Али ўттиз йил давомида Паркинсон касаллигига қарши курашган. 2016 йилнинг 2 июнида америкалик боксёрнинг аҳволи оғирлашиб қолганлиги сабаб шифохонага ётқизилган. Эртаси куни эса у оламдан ўтган.

Марк Твен (74 ёш)

Марк Твен номи билан бутун дунёга танилган Сэмюэл Клеменснинг ушбу сурати ўлимидан 10 кун олдин олинган. У ўлимидан бир йил олдин шундай деган эди: «Мен 1835 йилда Галлей кометаси билан бирга келганман, бир йилдан сўнг, у яна учиб ўтади ва мен ҳам у билан кетишни мўлжаллаяпман». Шундай ҳам бўлди. Ёзувчи стенокардиядан вафот этди.

Жон Леннон (40 ёш)

Жон Леннонни орадан тўрт соат ўтгач отиб ташлаган эркак суратнинг ўнг томонида турибди. У The Beatles гуруҳи асосчиси ҳамда аъзосидан дасхат олмоқда.

Альберт Эйнштейн (76 ёш)

Ушбу сурат 1955 йилда олимнинг ўлимидан бир ой олдин, Принстондаги уйида суратга олинган.

Дэвид Боуи (69 ёш)

Британиялик мусиқачининг ўлимидан уч кун олдин олинган сурат. Дэвид Боуи 2016 йилнинг 10 январида, жигар саратонига қарши 1,5 йиллик курашдан сўнг вафот этган.

Элвис Пресли (42 ёш)

Сурат 1977 йилнинг 16 август санасида, Элвис Пресли стоматологдан ўз уйи томон машинада қайтаётганида олинган. Ушбу тунда мусиқачи юрак хуружини бошидан ўтказган ва оламдан ўтган.