Польша ЖЧ—2018 да иштирок этиши аниқ бўлган Европанинг Бельгия, Германия, Англия ва Испаниядан кейин бешинчи аъзосига айланди.
Саралашнинг сўнгги турида Черногорияни қабул қилган польшалик футболчилар 4:2 ҳисобида зафар қучди ва гуруҳни пешқадам сифатида якунлади. Жамоасининг ғалаба голини урган Роберт Левандовски саралашни 16 та аниқ зарба билан тугатди. Европалик ҳеч бир футболчи 1 та саралашда бунча гол урмаган.
Криштиану Роналду ҳисобида 15 та гол бор. Португалия сўнгги турни Лиссабонда Швейцарияга қарши ўтказади.
Польшага қарши ўйинда «Пахтакор» ҳимоячиси Марко Симич иштирок этмади. У бир тур аввал Данияга қарши ўйиннинг энг яхши футболчиси бўла олганди. Аввалроқ Гиди Канюк тўп сурадиган Исроил ЖЧдан умидини узгани ҳисобга олинса, «Пахтакор» футболчиларидан ҳеч бири ЖЧ—2018 га бормаслиги ойдинлашади.
Дания саралашни 2-ўринда якунлаб, плей-оффга йўлланма олди. Черногория ва Руминия эса мундиалдан четда қолди.
ЖЧ—2018. Саралаш «E» гуруҳи. 10-тур 8 октябрь, якшанба
Польша — Черногория 4:2
Голлар: Кжиштоф Мончински, 6 (1:0). Камил Гросицки, 16 (2:0). Стефан Мугоша, 78 (2:1). Жарко Томашевич, 83 (2:2). Роберт Левандовски, 85 (3:2). Филип Стойкович, 87-авт (4:2).Дания — Руминия 1:1
Голлар: Кристиан Эриксен, 60-пен (1:0). Чиприан Дяк, 88 (1:1).Четлатиш: Кристиан Ганя, 63 (Р).Қозоғистон — Арманистон 1:1
Голлар: Генрих Мхитарян, 26 (0:1). Бауиржан Турисбек, 62 (1:1).
ЖЧ—2018 да иштирок этиши аниқ бўлган мамлакатлар:Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Миср, Польша.
Изоҳ (0)