Англия терма жамоаси Россия—2018 чиптасини бир тур аввал Ҳарри Кейннинг голи билан қўлга киритганди. Словенияга қарши ўйиннинг сўнгги дақиқасида муваффақият қозонган «Тоттенҳэм» ҳужумчиси Англия қаҳрамонига айланганди.
Кейн Литвага қарши сўнгги турда ҳам инглизларнинг ягона голига муаллифлик қилди. Шу тариқа ҳужумчи саралашни 5 та гол билан якунлади.
Левандовски Польшани ЖЧга олиб чиқди ва голлар сони бўйича Криштианудан ўзиб кетди
Шотландлар эса ЖЧ—2018 умиди билан аламли тарзда хайрлашди. Улар сўнгги турда Словения билан 2:2 ҳисобида дуранг ўйнади. Ғалаба шотландларни плей-офф сари етаклаши мумкин эди.Шу тариқа Словакия термасига Словения ёрдам берди дейиш мумкин. Қайд этиш керак, Словакия ўзаро ўйинларда ҳам, тўплар нисбатига кўра ҳам Шотландиядан яхшироқ натижа қайд эта олди. Словакия ўзида 3:0 ҳисобида зафар қучган бўлса, сафарда 0:1 ҳисобида имкониятни бой берганди. Шунчаки британияликлар очколар устунлигини таъминлай олмади.
ЖЧ—2018. Саралаш «F» гуруҳи. 10-тур 8 октябрь, якшанба
Литва — Англия 0:1
Гол: Ҳарри Кейн, 27-пен (0:1).Словения — Шотландия 2:2
Голлар: Ли Гриффитс, 32 (0:1). Роман Безьяк, 52 (1:1). Роман Безьяк, 72 (2:1). Роберт Снодграсс, 88 (2:2).Четлатиш: Боштян Цесар, 92+ (С).Словакия — Мальта 3:0
Голлар: Адам Немец, 33 (1:0). Адам Немец, 62 (2:0). Ондрей Дуда, 69 (3:0).
ЖЧ—2018 да иштирок этиши аниқ бўлган мамлакатлар:Россия, Бразилия, Эрон, Япония, Мексика, Бельгия, Жанубий Корея, Саудия, Германия, Англия, Испания, Нигерия, Коста-Рика, Миср, Польша.
Изоҳ (0)