Вазирлар Маҳкамасининг 14 сентябрдаги қарорига кўра, 1 октябрдан бошлаб қўлда терилган 1 килограмм пахта учун 500 сўм, машинада терилган 1 тонна хом ашё учун 260 минг сўм ҳақ тўланмоқда.
ЎзАнинг қайд этишича, пахта етиштирувчи фермер хўжаликларига теримчиларга меҳнат ҳақини ҳар беш кунда, зарурат бўлганда эса ҳар куни тўлаш тавсия этилди.
«Ҳар килограмм пахта учун белгиланган нархнинг ўтган йилга нисбатан икки баробарга оширилгани теримга уюшмаган ёшлар ва аҳолини ихтиёрий равишда жалб қилишга хизмат қилмоқда», — деб ёзади агентлик.
Шунингдек, меҳнат ресурслари етишмайдиган ҳудудлар — Сирдарё ва Жиззах вилоятларида ҳар бир килограмм пахта учун қўшимча равишда 100 сўмдан тўлаш тажрибаси қўлланмоқда.
Изоҳ (0)