Нақд берилиши кечикаётган доллар, Тошкентда ўлим билан тугаётган ЙТҲлар, Жасур Иброҳимов ишидаги бир-бирига зид кўрсатмалар ва куннинг бошқа муҳим хабарлари

3 октябрнинг эътиборга молик янгиликлари — «Дарё»нинг кечки дайжестида.

1. «Тўққиз қаватли Сергели»да 2017 йилда тўққиз қаватли уйлар кран йўқлиги учун қурилмади. Янги биноларининг устки қисми кўпинча сарғиш рангга бўяладиган Тошкентда 2018 йилдан 9, 12, 14 ва 16 қаватли монолит уйлар қурилади.

2. АҚШ Давлат Департаменти 2019 йил учун Green Card лотереяси бошланганини эълон қилди. 2019 йил «Турли миллат вакиллари учун иммиграцион визалар – DV» (Грин Кард) дастурига рўйхатга олиш даври 2017 йил 3 октябрдан 2017 йил 7 ноябргача жамоат учун очиқ бўлади.

3. Тошкентда 8 кунда 5 киши ЙТҲ қурбони бўлди. «Ўзбекистонда йўл ҳаракати хавфсизлиги хизматининг фаолияти самарасиз ташкил этилганини тан олиш вақти келмадимикан?»

4. Жасур Иброҳимовнинг курсдошлари бир-бирига зид кўрсатма берди. Жасурнинг коллеждаги дўсти ва курсдоши Темур ўз кўрсатмалари давомида «разбор» учун кўчага чиқиш таклифи Ислом Тўлагановдан чиққанини айтган бўлса, Жасурнинг яна бир ўртоғи, партадоши — Бегзод Собиров — йигитларни ташқарига чақирган аслида Жасур эканлигини қатъий таъкидлади.

5. Ўзбекистонда ҳозирча нақд валюта сотилиши бошланмади. Ҳукуматнинг тегишли ҳужжати ҳали тайёр эмас. Олдинроқ бош вазир Абдулла Арипов 1 октябрдан эътиборан аҳолига нақд валюта сотиб олиш рухсат этилишини билдирган эди.