Нобель мукофотининг 2017 йилдаги миқдори тўққиз миллион швед кронасигача (1,12 миллион доллар) оширилди. Бу ҳақидаг қарор Нобель жамғармасининг директорлар кенгаши томонидан қабул қилинган, деб ёзади ташкилотнинг сайти.
Таъкидланишича, мукофот пули бир миллион кронага (124,8 минг доллар) оширилган . 2011 йилда мукофот миқдори ўн миллион кронадан саккиз миллион кронага туширилган (1,25 миллион доллардан 998 минг долларга). Бу жамғарманинг молиявий барқарорлигини мустаҳкамлаш дастури доирасида қилинган эди.
2017 йилдаги мукофот соҳибларини эълон қилиш 2 октябрдан бошланади. Нобель мукофоти физика, кимё, тиббиёт, адабиёт ва иқтисодиёт соҳаларида эришилган ютуқлар учун топширилади. Шунингдек, дунёда тинчликни таъминлашга қўшилган ҳисса учун ҳам мукофот берилади.
Изоҳ (0)