Бухоро вилоят ҳокимлиги, Ўзбекистон Туризмни ривожлантириш давлат қўмитаси вилоят ҳудудий бошқармаси, «Ҳунарманд» уюшмаси вилоят бошқармаси ҳамкорлигида ташкил этилган «Бухоро ҳунармандлари» фестивалда 200 дан зиёд халқ устаси ўз маҳсулотларини намойиш этди. Бу ҳақда ЎзА хабар берди.
Фестиваль дастури ранг-баранг бўлди. Таниқли усталар томонидан маҳорат дарслари ўтказилди. Бухоролик моделерлар яратган коллекциялар миллий ва замонавийликни уйғунлаштиргани билан иштирокчиларда катта таассурот қолдирди. Фестивальнинг ўзига хос жиҳатларидан бири, унда мустақил ишлай оладиган ёш усталарга алоҳида эътибор қаратилганидир.
Тадбир доирасида ёшлар ўртасида «Энг маҳоратли ҳунарманд» танлови ўтказилди.
Изоҳ (0)