Филипп Киркоровнинг 85 ёшли отаси Бедрос ўз юбилейи арафасида интервью берди, деб ёзади «Фотошедевр». Унда у ўзининг севимли неваралари ҳақида гапирди ва ОАВга Пугачёва ва Галкин нима сабабдан фарзандли бўлишга қарор қилганини ошкор этди.
Бедрос Киркоров Филиппнинг фарзандлари — Алла-Виктория ва Мартин қандай феъл-атворга эга эканлиги, шеърлар айтиб бериб, уни хурсанд қилиши ҳақида сўзлади.
У, шунингдек, Алла Пугачёва ва Максим Галкин ҳақида гапириб ўтишни ҳам унутмади, улар, унинг фикрича, айнан Филипп Киркоровдан ўрнак олган ҳолда ота-она бўлишга қарор қилган.
«Алла ва Максимга фарзандли бўлиш ғоясини Филипп ‘юқтирган’. Менимча, Максимга Филиппнинг фарзандли бўлгани таъсир қилгани аниқ. У ёш, у ҳам ўз давомчилари бўлишини хоҳлайди, шунинг учун Алла билан шу ишга қўл урди», — деди Бедрос Киркоров.
Эслатиб ўтамиз, Алла Пугачёва ва Максим Галкиннинг Елизавета ва Гарри исмли эгизак фарзандларини 2013 йилда суррогат она дунёга келтирган эди.
Изоҳ (0)