Тошкентдаги Алишер Навоий номли киносаройда 2017 йилнинг биринчи ярим йиллигида 40 дан ортиқ фильм премьераси бўлиб ўтди. Мазкур кинонамойишларга асосланган ҳолда, My Day йилнинг биринчи ярмида энг кўп бош ролларни ижро этган актёр ва актрисалар рўйхатини тузди.
Рўйхатга киритилган актёрлар орасида Муҳаммадисо Абдулхайиров биринчиликни қўлга киритган бўса, бир вақтлар деярли ҳар бир фильмда бош ролни ижро қилган актёр Улуғбек Қодиров йил давомида умуман фильмларда суратга тушмагани ва ушбу рўйхатдан ўрин олмагани ажиб ҳолдир. Демак, қуйида 2017 йилда энг кўп кўп фильмларда роль ижро этган актёрлар рўйхати билан танишинг.
Биринчи ўринни тўрттадан фильмда суратга тушган Муҳаммадисо Абдулхаиров, Асқар Ҳикматов ва Шавкат Комиловлар бўлишиб олди.
Муҳаммадисо Абдулхаиров — «Қайсаргинам 2», «Вой-дод 2», «Айғоқчи кампир 007», «Аҳмадбой ва Раҳматбой»
Асқар Ҳикматов — «Кетаман дедимми, кетаман», «Мистер Америка», «Коктейль», «Вой-дод 2»
Шавкат Комилов — «Она қизим», «Бебаҳогинам», «Жоним азобда», «Туғилмаганлар»
Иккинчи ўриндан эса учтадан фильм билан Адиз Ражабов ва Дониёр Ҳафизовлар жой олди.
Адиз Ражабов — «Оҳ, Салима, Салима», «Ҳамроҳ», «Эр бермоқ, жон бермоқ 2»
Дониёр Ҳафизов — «7 қават», «Вақт ўғриси», «Оташ ичра»
Йигитали Мамажонов, Мурод Ражабов ва Акбархўжа Расулов 2017 йилнинг биринчи ярмида иккитадан фильмда суратга тушган ва рейтингда учинчи поғонада.
Йигитали Мамажонов — «Бегуноҳ», «Коктейль»
Мурод Ражабов — «Севади, севмайди», «Айғоқчи кампир 007»
Акбархўжа Расулов — «Оҳ, Салима, Салима», «Устюртга йўл»
Актрисалардан бу йил Ситора Алимжонова жуда фаол. У жорий йилнинг биринчи ярмида тўртта фильмда суратга тушган ва рейтингнинг биринчи поғонасида. Унинг ортидан Шаҳзода Матчонова ўрин эгаллаган. Унинг ҳисобида учта фильм ва рейтингда иккинчи ўрин.
Ситора Алимжонова — «Вой-дод 2», «Севади, севмайди», «Жоним йиғлоқи», «Бегуноҳ»
Шаҳзода Матчонова — «Устюртга йўл», «Оҳ, Салима, Салима», «Вирус»
Ўтган йили деярли суратга тушмаган Дилноза Кубаева бу йил ҳамкасблари Дилдора Ҳошимова, Феруза Норматова, Шаҳло Темирова, Сўғдиёна Азимова ва Нигина Анорбоева билан рейтингнинг учинчи поғонасидан жой эгаллади. Уларнинг ҳар бири иккитадан фильмда роль ижро этган.
Дилноза Кубаева — «Эр бермоқ жон бермоқ 2», «Иснод»
Дилдора Ҳошимова — «Зулмат», «Кореядаги муҳаббат»
Феруза Норматова — «Она қизим», «Шикаст»
Шаҳло Темирова — «Эр бермоқ жон бермоқ 2», «Вақт ўғриси»
Нигина Анорбоева — «Оташ ичра», «7-қават»,
Сўғдиёна Азимова — «Қайсаргинам 2», «Асрагил»
Изоҳ (0)