Бугун,

  • USD 11095.31
  • RUB 173.84
  • EUR 10772.44

БМТнинг Ўзбекистондаги ваколатхонаси Ўзбекистонда 2017 йил 8 сентябрда Маъмурий ислоҳот концепцияси қабул қилинганини олқишлайди. Бу ҳақда БМТнинг резидент-координатори ҳамда БМТ Тараққиёт дастурининг Ўзбекистондаги доимий вакили Хелена Фрейзернинг баёнотида айтилади, деб хабар беради UzDaily.

Фото: UzDaily

Фото: UzDaily

Концепцияда 2017–2021 йиллар учун ҳаракатлар стратегиясига мувофиқ равишда самарадор ва шаффоф давлат бошқаруви тизимини яратишга қаратилган устувор ислоҳотлар баён этилган, таъкидлади БМТ вакили.

«Бу концепциянинг қабул қилиниши мамлакатда барча даражадаги шаффоф, самарадор, ҳисобот берувчи ва инклюзив институтлар яратилишидаги муҳим қадамдир. Концепциянинг амалга оширилиши БМТнинг 2030 йилга қадар барқарор ривожланиш соҳасидаги кун тартибининг, хусусан, 16-мақсад — ‘тинчлик, адолат ва кучли институтлар’ мақсадининг амалга оширилишига кўмак беради», — қайд қилиб ўтди Фрейзер хоним.

«1993 йилдан буён БМТнинг Ўзбекистондаги тизими ҳукуматга сифатли давлат хизматларини таъминлаш ҳамда инсон ҳуқуқлари ва эркинликларини ҳимоя қилиш борасида ёрдам кўрсатиб келмоқда».

«Бизнинг кўмагимиз халқаро тажриба ва билимларни бериш, инновацион тажрибавий ташаббуслар реализацияси ҳамда миллий ҳамкорларга самарадор бошқарув ва стратегияларни маълумотлар таҳлили асосида ишлаб чиқиш масаласида консультация беришдан иборат бўлди. Шунингдек, БМТ ҳукумат билан давлат хизматини ислоҳот қилиш, электрон ҳукумат тизимини жорий қилиш, давлат хизматларини самарадор кўрсатиш, маҳаллий бошқарув ва минтақавий ривожланиш тизимини такомиллаштириш соҳаларида ҳамкорлик қилмоқда», — дейилади баёнотда.

«Миллий ва халқаро экспертлар билан ривожланиш соҳасидаги ҳамкорликда БМТнинг Ўзбекистондаги ваколатхонаси ҳукуматни маъмурий ислоҳот концепцияси реализацияси бўйича қўллаб-қувватлашни давом эттириш ниятида. Бизнинг ишимиз олдингидай БМТнинг Ўзбекистон учун ривожланиш мақсадларида кўмак бериш бўйича ҳадли битимига йўналтирилган бўлади, хусусан, 2020 йилга келиб бутун аҳолини сифатли давлат хизматлари билан таъминлашг қадар давлат бошқарувини такомиллаштириш якуний мақсадига қаратилади», — хулоса қилди Хелена Фрейзер.

Изоҳ
Асосий янгиликлар
Иқтисодиёт
Коррупция даражаси, иқтисодий эркинлик индекси: Ўзбекистоннинг халқаро рейтинглардаги ўрни қандай ўзгармоқда?
Дунё
АҚШ Ельциннинг Украина ҳақидаги баёнотини махфийликдан чиқарди
Иқтисодиёт
Ўзбекистонда фрилансерлик: улар қанча маош олади ва нега кўпаймоқда?