IDC ташқи савдо фаолияти ва валюта сиёсати либераллашувидаги илк қадамлардан келиб чиқиб, Ўзбекистонда АКТ соҳаси ривожланишининг жорий ва узоқ муддатли прогнозларини ўзгартирди. Бу ҳақда UzDaily хабар бермоқда.
Қайта кўриб чиқилган прогнозларга кўра, Ўзбекистон IТ бозори 2017 йилда 6,9 фоизга (аввалги тахмин 4,8 фоиз эди) ўсади. Энг кўп ўсиш хизматлар соҳасида қайд этилади — 17,6 фоиз (13,3 фоиз). IT-жиҳозлар ва дастурий таъминот соҳалари тегишли равишда 6,1 фоиз (4,1 фоиз) ва 13,6 фоизга (12,4 фоиз) ошиши кутилмоқда.
2016—2021 йиллар даврида ўртача йиллик ўсиш суръатлари прогнозлари қуйидагича ўзгартирилди:
Умумий IT бозори: 12,9 фоиз (8,2 фоиз);
Жиҳозлар: 12,1 фоиз (7,7 фоиз);
Хизматлар: 22,1 фоиз (13,3 фоиз);
Дастурий таъминот: 19,6 фоиз (11,3 фоиз).
IDC экспертлари ҳукуматнинг ташқи савдо фаолияти, валюта тартиби ва мамлакатда бизнес юритиш шароитларини либераллаштириш бўйича барча режалари амалга оширилган тақдирда, Ўзбекистонда IT-бозорининг ўсиш суръатлари олдинги прогнозга нисбатан ўртача 30 фоизга кўпроқ бўлишини билдирди.
Шу тариқа, IDC 5 йилдан сўнг Ўзбекистонда IT-бозори 2016 йилга нисбатан 83,5 фоизга ошишини кутмоқда.
Изоҳ (0)