Ўзбекистон фуқароликлар рейтингида 116-ўринни эгаллади

Ўзбекистон 2016 йилги фуқароликлар рейтингида 116-ўринни эгаллади. Рейтинг Швейцариянинг Henley & Partners компанияси томонидан тузилган, деб хабар беради Uz24.

Бир йил муқаддам Ўзбекистон 111-ўринни эгаллаган эди.

Рейтингни тузишда иқтисодиёт миқёси, инсон салоҳияти ривожи даражаси, жамоат тартиби ва барқарорлик, визасиз саёҳат, визасиз яшаш ва ишлаш имкониятлари ва бошқа омиллар инобатга олинади. Ўзбекистон барча кўрсаткичлар бўйича умумий 26,8 фоиз натижа кўрсатди. 2015 йилда бу кўрсаткич 25,4 фоизга тенг бўлган эди.

Рейтинг етакчиси Германия 82,7 фоизлик натижа кўрсатди. Иккинчи ўринни Франция (82,4 фоиз) ва Дания (82,3 фоиз) бўлишиб олди.