«Истиқлол» санъат саройининг директори Исроил Ғуломов журналист Феруз Муҳаммадга интервью берди. Сарой директори суҳбат давомида Егор Криднинг концертида қўриқчи йигит томонидан аёл кишига қўл кўтарилгани, жанжал нимадан келиб чиққани ва мазкур ҳолатга қандай чора кўрилгани ҳақида гапирди.
— Егор Криднинг концерт дастурида, дастурдаги қўриқчи томонидан бир аёл кишига қўл кўтарилган экан. Ушбу видео лавҳа тармоқларда ҳам тарқалган, Егор Крид ўзининг Instagram’даги саҳифасида ушбу видео лавҳани жойлаб, бу қўриқчи унга тегишли эмаслиги ҳақида маълумот қолдирган, демакки қўриқчини санъат саройи ёллаган, бўлиб чиқади. Ушбу ҳолат ўрганилдими, қўриқчи жавобгарликка тортилдими?
— Бу муаммони чиқишига ёшларнинг ўзи сабабчи бўлган. Бу ерда вазият қуйидагича бўлган, ўша қизнинг акаси югуриб саҳнага чиқиб кетмоқчи бўлган экан, биласиз саҳнага чиқиш мумкин эмас. Қизнинг акасини тўхтатиб қолишга ҳаракат қилмоқчи бўлган қўриқчини, ўша қиз келиб юзини юмдалаган. Юмдалагандан сўнг хоҳлаган одамни, ўз-ўзидан қўли кетиб қолади, қўриқчи у қизни урмаган. Кейин иккаласи бир биридан кечирим сўраб, келишиб олишди.
— Демак бу қўриқчи ҳақиқатдан ҳам санъат саройи томонидан қўйилган экан, шундайми?
— Ким томонидан қўйилишидан ҳам олдин, аввало айбдор ким эканлигини аниқлаш керак. Агар сизни ҳам юзингизни, кўзингизни биров юмдаласа, ўзингиз билмаган ҳолда қўлингиз кетиб қолади, қараб турмайсиз-ку, худди шунақа вазият бўлиб қолган. У ерда бир у қизмас, бошқа одамлар ҳам саҳнага чиқаман деб ҳаракат қилишган.
— Барибир, нима бўлган тақдирда ҳам аёл кишига қўл кўтарилган, қўриқчига қандайдир огоҳлантириш берилдими, жавобгарликка тортилдими?
— Огоҳлантириш ҳам берилди, сўкилди ҳам, ўша куннинг ўзида иккаласи бир-бири билан гаплашиб олишиб, кечирим сўрашди. Қизнинг ўзи ҳам «узр, мендан ўтди», деб кечирим сўради қўриқчи йигит ҳам қиздан узр сўради.
Изоҳ (0)