«Ўзбекистон ҳаво йўллари» FFS Boeing 767 тренажёри эксплуатациясини бошлади

«Ўзбекистон ҳаво йўллари» миллий авиакомпанияси янги тренажёр — Boeing 767 ҳаво кемасининг Full-flight-симулятори (FFS) эксплуатациясини бошлаб юборди. Бу ҳақда UzDaily хабар бермоқда.

Симулятор шу йилнинг апрелида қабул қилиб олинган эди.

FFS Boeing 767 Канаданинг Kanadaning Canadian Aviation Electronics (SAЕ) компанияси тақдим этган янги ишланма бўлиб, у энг замонавий компьютер дастурий таъминотига, визуализация ва ҳаракат тизимларига эга. Янги тренажёрда ҳаводаги ва ердаги турли парвоз вазиятлари устида ишлаш мумкин.

Халқаро саноат стандартларига мувофиқ ишлаб чиқилган визуализация тизими тасвирни юқори сифат билан кўрсатиб беради ҳамда ностандарт вазиятлардаги мураккаб визуал саҳналарни ҳисоблаш имкониятини беради. Симуляторнинг компьютер тизимида ўрнатилган аэропортлар маълумот базаси эса исталган нуқтага парвозни ишлаш имкониятини тақдим этади.