Ливия БМТ бюджетига бадал бўйича қарздорлигини бартараф этди ва Бош ассамблеядаги овоз бериш ҳуқуқини қайтариб олди. Бу ҳақда «ТАСС» хабар бермоқда.
Халқаро ташкилот бош котиби Антониу Гутерришга кўра, мамлакат бадал бўйича қарздорликни камайтириш учун зарур тўловни амалга оширди. Ливия учун минимал тўлов миқдори 6,5 миллион доллардан иборат эди.
Йил бошида Ливиядан ташқари яна тўққиз давлат: Вануату, Венесуэла, Жибути, Доминика, Яман, Кабо-Верде, Маршалл ороллари, Папуа- Янги Гвинея ва Судан шундай ҳолатга тушди. 5 ой давомида уларнинг барчаси қарзни узди.
Гвинея-Бисау, Комор ороллари, Сан-Томе ва Принципи ҳамда Сомали ҳамон БМТ бюджети олдида қарздорлар рўйхатида турибди, бироқ мазкур 4 давлатдаги оғир иқтисодий вазиятни инобатга олиб, улар овоз бериш ҳуқуқидан маҳрум этилмаган.
Изоҳ (0)