«Сочная долина» Юлдуз Усмонованинг янги концерт дастурларини тақдим этади
Мустақиллик байрамининг 26 йиллиги арафасида Ўзбекистон Халқ артисти Юлдуз Усмонова «Сочная долина» савдо белгиси кўмагида қадим Самарқанд, муаззам Бухоро ва навқирон Навоий шаҳарларида ўзининг янги концерт дастурини тақдим этишга тайёргарлик кўрмоқда! Ушбу хайрли ишга таниқли ўзбек хонандасининг Фарғона водийси шаҳарлари бўйлаб уюштирган уч кунлик турнеси муваффақият билан ўтганидан кейин қўл урилди. Маълумки, Юлдуз Усмонова 28—29 июль кунлари Андижон, Фарғона ва Наманган шаҳарларида концерт берган эди.
Хонанда Самарқанд, Бухоро ва Навоий шаҳарларида ўзининг кўпчилик мухлислар қалбидан жой олиб улгурган «Эй, азиз инсон» деб номланган янги концерт дастурини тақдим этади.
Юлдуз Усмонованинг «Сочная долина» савдо белгиси томонидан мазкур шарбатлар истеъмолчилари ва ҳамкорлари учун Ўзбекистон жанубида уюштирилаётган концертларнинг биринчиси 2017 йилнинг 3 сентябрь куни кеч соат 19.00 да Бухородаги марказий «Бухоро» стадионида бўлиб ўтади. Концерт дастуридан хонанданинг эл ардоғидаги қўшиқлари қаторида янги санъат дурдоналари ҳам ўрин олган.
Худди шу каби концерт дастури премьераси доирасида 4 сентябрь куни Навоий шаҳридаги «Ёшлик» стадионида кеч соат 19.00 да Юлдузхоним мухлисларини бир жойга йиғади.
Ва ниҳоят кўҳна замин сайқали деб ном чиқарган самарқандлик мухлислар Юлдуз Усмонованинг қўшиқларидан 5-сентябр куни Самарқанд шаҳрдаги «Динамо» стадионида баҳраманд бўладилар. Ҳозирда қўшиқ байрамига тайёргарлик жараёнлари қизғин давом этмоқда.
Таъкидлаб ўтиш керакки, бўлажак концертларга чипталар сотилмайди. Унда концертларга чипталарни қандай олиш мумкин дерсиз? Гап шундаки, таниқли хонанданинг концертига тушишни истаган мухлислар бунинг учун «Сочная долина» шарбатларини харид қилишлари керак бўлади. Ушбу мақсадда «Сочная долина» савдо белгиси томонидан юқорида номлари саналган ҳар бир вилоятда тўрт-бештадан махсус савдо нуқталари ташкил этилган. Мазкур савдо нуқталардан 10 дона «Сочная долина» шарбати сотиб олган харидорга Юлдуз Усмонованинг концертига текинга 1 дона чипта берилади. Савдо дўконлари эса концертга чипта олиш учун икки блок, яъни 24 дона «Сочная долина» шарбати сотиб олишлари лозим бўлади.
Кези келганда айтиб ўтиш керакки, Юлдуз Усмонова юқорида номлари тилга олинган шаҳарлар аҳлига тақдим этадиган концерт дастури мутлақо янги дастур бўлиб, барчага таниш тароналар билан бир қаторда, ҳали куйланмаган қўшиқларидан ҳам ташкил топган. Ташкилотчилар тадбирни янада қизиқарли тарзда ўтказиш учун барча ишларни қилишмоқда. Хусусан, концерт ўтказиладиган ҳар бир стадионда алоҳида катта саҳна қурилиб, безатилади. Бундан ташқари, 80 дан ортиқ шоу-томоша иштирокчилари бўлган раққос ва раққосалар, 10 дан зиёд мусиқачилар ҳам халқ хизматида бўладилар. Шуниси ҳам эътиборлики, Юлдуз Усмонова ўз мухлислари учун жонли овозда куйлайди!
«Сочная долина» савдо белгиси ўз истеъмолчилари учун юқоридаги каби совғаларни тақдим этишда бардавом бўлиш ниятида! Янгиликларни кутиб қоламиз!
Реклама ҳуқуқи асосида
