Жорий йилнинг 9 август куни Андижон тумани ички ишлар бўлими ташаббуси билан «Бўш иш ўринларни» меҳнат ярмаркаси ўтказилди. Бу ҳақда Андижон вилоят ИИБ хабар берди.
Ярмарка Ўзбекистон Президентининг 2017 йил 14 мартдаги «Ҳуқуқбузарликлар профилактикаси ва жиноятчиликка қарши кураш тизимини янада такомиллаштириш чора тадбирлари тўғрисида»ги ПҚ 2833-сонли Қарори талаблари ижросини таъминлаш мақсадида ташкил этилди.
Ушбу ярмаркада туман ҳудудидаги 14 та корхона, ташкилот, муассаса ва фермер хўжаликлари 616 та бўш иш ўрни билан қатнашди.
Ўтказилган ярмаркага муқаддам судланганлар ва жиноят содир этишга мойил бўлган шахслар, туман ҳудудидан узоқ муддатга ишлаш мақсадида чиқиб кетган ва ўз яшаш манзилига қайтиб келиб, ишсиз юрган фуқаролар, ишсиз хотин-қизлар жалб этилди.
Ярмаркада иштирок этган 77 нафар ишсиз фуқаронинг 58 нафарини муқаддам судланган ва жиноят содир этишга мойил бўлган фуқаролар ташкил этди.
Иштирок этганларнинг 32 нафарига ишга йўлланма берилди. Йўлланма берилганларнинг 25 нафари, шундан 12 нафар муқаддам судланган ва жиноят содир этишга мойил бўлган шахс ишга жойлаштирилди.
Шунингдек, 25 нафар муқаддам судланган ва жиноят содир этишга мойил бўлган шахсларга Бандликка кўмаклашиш маркази томонидан ҳуқуқий маслаҳатлар берилди.
Изоҳ (0)