КХДР ҳарбийлари 2014 йилдан буён биринчи марта патруль катерига кемаларни нишонга олиш учун мўлжалланган иккита қанотли ракета ўрнатди, деб ёзади «ТАСС» Американинг Fox News телеканалига таяниб.
Ушбу ахборот Америка разведкаси томонидан қўлга киритилган. Бу катер мамлакат шарқий қирғоқларида турибди. Ракеталар унга бир неча кун аввал ўрнатилган.
Канал манбаларидан бирининг фикрича, Пхеньяннинг ушбу хатти-ҳаракатлари у яқин кунларда навбатдаги ракета синовларини ўказмоқчи эканлигидан ёки Американинг янги кемалари ушбу ҳудудга юборилиши эҳтимолини назарда тутиб, мудофаани кучайтираётганидан дарак бериши мумкин.
«Шимолий Корея ракета синовларини тўхтатмоқчи эканлиги ҳақида сигнал бермаяпти», — деди мансабдор.