Антарктидадаги энг катта шелф музликларидан бири Ларсен С ажралиб чиқиб, кузатувлар тарихидаги энг катта айсбергни ҳосил қилди.
Уэльснинг Суонси университети маълумотарига кўра, айсбергнинг майдони 6 минг квадрат километрга тенг — бу 18 та Тошкент шаҳри дегани.
Олимларнинг сўзларига кўра, айсбергнинг ҳосил бўлиши 10—12 июль кунлари оралиғида юз берган.
Музликдаги ёриқ илк бор 2011 йили қайд этилган эди, 2014 йилдан бошлаб ёриқнинг катталашиши тезлашди.
Олимларнинг қайд этишича, энди оқим ва шамоллар айсбергни Атлантика океанига оқизиб кетади.
Изоҳ (0)