Америкалик олимлар гуруҳи қаҳва барча сабаблардан ўлим хавфини камайтиришини аниқлади. Тадқиқотнинг тўлиқ матни Annals of Internal Medicine нашрида эълон қилинди, дея хабар беради «Корреспондент.net».
16 йил давом этган тадқиқотлар давомида мутахассислар 45 дан 75 ёшгача бўлган 190 минг кўнгиллини кузатди.
Изланишлар охирига бориб 60 мингга яқин киши оламдан ўтди. Уларнинг 36 фоизи юрак-қон томир касалликлари, 31 фоизи эса саратондан вафот этди.
Тадқиқотлар якунига кўра, олимлар кунига бир финжон қаҳва ичиш барча сабаблардан ўлим хавфини 12, уч финжон қаҳва истеъмоли эса 18 фоизга камайтиришини аниқлади.
«Қаҳва кўплаб аксилоксидантлар ва фенол бирикмаларни ўз ичига олади. Улар эса саратон профилактикасида муҳим ўрин тутади», — дейди тадқиқот ҳаммуаллифи Вероника Сетеван.
Изоҳ (0)