North American Car and Truck/Utility of the Year (NACTOY) танловининг ташкилотчилари 2018 йилда ғолибликка номзодларнинг рўйхатини эълон қилди, деб хабар берди «Мотор».
Номзодлар рўйхатидан 12 та енгил автомобиль жой олди. Энг яхши кроссовер номи учун 20 та автомобиль курашади, яна учта автомобиль энг яхши пикап номи учун беллашади (алоҳида категория).
Рўйхатнинг эълон қилиниши ғолибни аниқлашнинг олти ойлик жараёни бошланганини билдиради. Сентябрь ойида АҚШ ва Канададан бўлган 60 та журналистдан иборат гуруҳ ярим финалчилар учун овоз беради. Яна бир ойдан сўнг финалчилар аниқланади.
Рўйхатдаги енгил автомобиллар
Alfa Romeo Giulia
Audi A5 Sportback
BMW 5 серия
Honda Clarity
Honda Accord
Hyundai Ioniq
Kia Stinger
Lexus LC500
Porsche Panamera
Subaru Impreza
Tesla Model 3
Toyota Camry
Ғолиблар анъанага кўра Детройтда январда бўлиб ўтадиган автошоуда маълум қилинади.
2017 йилнинг энг яхши енгил машинаси дея NACTOY томонидан Chevrolet Bolt танланган эди. Ҳакамлар пикаплар орасидан Honda Ridgeline’ни, кроссоверлар орасидан Chrysler Pacifica’ни энг яхши дея топганди.
Изоҳ (0)