Жорий йилнинг бошидан буён Хитой автомобиль бозорига 24 та янги автомобиль кириб келди. Уларнинг келиши мамлакатда сотилаётган машиналарнинг кучли ўнлигига таъсир қилдими? «Мотор» нашри Хитой автомобиль бозорининг 2017 йил май охирига маълумотлари билан бўлишди.
10-ўрин — Volkswagen Sagitar
Фото: «Мотор»Ушбу автомобиль олтинчи поғонадан ўнинчиликка тушиб кетди (2016 йил натижаларига нисбатан), шу билан бирга савдо ҳажми 17,7 фоизга пасайди: 143 403 донадан (2016 йил) 117 984 га (2017 йил).
9-ўрин — Volkswagen Jetta
Фото: «Мотор»Хитойда Jetta номи остида сотиладиган Polo седани еттинчи поғонадан тўққизинчига тушиб қолди. Савдо ҳажми 10,3 фоизга пасайди. 2016 йилнинг дастлабки беш ойида Хитойда 140 758 дона Jetta сотилган бўлса, жорий йилда 126 223 ни ташкил этди.
8-ўрин — Volkswagen Tiguan
Фото: «Мотор»Аввалги рейтингда 17-поғонада бўлган Tiguan жорий йилда 8-ўринга чиқиб олди. Унинг савдо ҳажми 37,3 фоизга кўтарилди. 2016 йилнинг дастлабки беш ойида 95 616 дона Tiguan сотилган бўлса, 2017 йилда ушбу кўрсатгич 131 245 ни ташкил этди.
7-ўрин — Toyota Corolla
Фото: «Мотор»2016 йилнинг июнида тўққизинчи ўринда бўлган Corolla ушбу йилда еттинчи поғонага чиқиб олди. Савдо ҳажми эса 0,7 фоизга ортди. Ўтган йилнинг беш ойида давомида 135 853 автомобиль сотилган бўлса, ушбу йилда 136 758 та сотилди.
6 ўрин — Nissan Sylphy
Фото: «Мотор»Ушбу моделга бўлган талаб жорий йилда 29,5 фоизга ортди. 2016 йилнинг май ойига қадар 113 561 дона сотилган бўлса, жорий йилда ушбу кўрсаткич 147 055 ни ташкил этди.
5-ўрин —GAC Trumpchi GS4
Фото: «Мотор»Ўтган йили рейтингда 12 поғонада бўлган Trumpchi GS4 жорий йилда 5-ўринга чиқиб олди. Статистикага кўра унинг савдо ҳажми 19,8 фоизга ортган. Ўтган йилнинг май ойига қадар 124 675 дона сотилган бўлса, жорий йилда ушбу кўрсаткич 149 388 тани ташкил этди.
4-ўрин Buick Excelle
Фото: «Мотор»Савдо ҳажмининг +141,5 фоизга ортиши ҳисобига Vuick Excelle рекорд ўрнатди. Excelle 32 поғонадан тўртинчи ўринга чиқиб олди. Ўтган йили 67 896 дона сотилган бўлса, жорий йилда ушбу кўрсаткич 163 945 тани ташкил этди.
3-ўрин — Haval H6
Фото: «Мотор»Haval H6 ўтган йилгидек учинчиликдан жой олди. Унинг савдо ҳажми 5,6 фоизга ортган. 2016 йилда 202 706 дона сотилган бўлса, 2017 йилда 191 396 автомобиль ўз эгаларини топишга муваффақ бўлди.
2-ўрин — Volkswagen Lavida
Фото: «Мотор»Жорий йилда Хитойда 220 363 нусхада сотилган Volkswagen Lavida рейтингдан кумуш ўринни эгаллади. Ўтган йил 9,6 фоиз ортиқ (243 769 дона) сотилган эди.
1-ўрин — Wuling Hongguang
Фото: «Мотор»
Январдан май ойига қадар ушбу автомобиль маркасидан 226 510 дона сотилган, бироқ бу ўтган йилгига нисбатан 10,2 фоиз кам (2016 йилда 252 357 дона) демакдир.
Изоҳ (0)