Бугунги кунда сиёсат дунёси юлдузлари шоу-бизнес вакиллари каби машҳур. Дунё янгиликлари кўнгилочар дастурлар ўрнини эгаллади. АҚШ ёки Франция сайловолди пойгаси, Brexit билан боғлиқ тадбирлар «Кардашьянлар оиласи» реалити-шоуси билан рақобатлаша олади. Бунда барча тафсилотлар: ҳаракатлар, нутқ оҳанги ва албатта гардероб омма эътиборидан четда қолмайди.
Forbes Wоman сиёсат майдонида энг кўп муҳокама этилувчи, замон билан ҳамнафас сиёсатчи аёллар: Тереза Мэй, Ангела Меркель, Қиролича Елизавета II ва Ҳиллари Клинтон хуш кўрувчи брендлар ҳақида ҳикоя қилади.
Ҳиллари Клинтон
Ҳиллари Клинтон меҳнат фаолияти билан боғлиқ бутун ҳаётини сиёсий майдонда ўтказди. У ўз йўлини 1972 йилда демократлардан номзод Жорж Макговерннинг сайловолди штабидан бошлаган. Кейин ҳуқуқшунос бўлиб ишлади, турмуш ўртоғининг президентлик пойгасидаги ғалабасидан сўнг 1993 йилда унинг илтимоси билан соғлиқни сақлаш соҳасини ислоҳ қилиш қўмитасига раҳбарлик қилди. 2000 йилда Ҳиллари Нью-Йорк штатидан сенат аъзолигига сайлангандан сўнг унинг мустақил карьераси бошланди. 2007 йилда Клинтон президентлик пойгасида иштирок этиш режаси ҳақида маълум қилди.
Унинг либослари кўзга ташланмайди, бироқ жуда хушбичимдир (Американинг Vogue журнали бош редактори Анна Винтур унинг стилисти ҳисобланади). Клинтон омма олдида кўпинча Ralph Lauren, Giorgio Armani ва Аndrеw Gn. либосларида кўриниш беради. Аксессуарлардан Mikimoto марвариди, Chanel тақинчоқлари ва Manolo Blahnik туфлиларини хуш кўради.
Ангела Меркель
Германия федерал канцлери Ангела Меркель Forbes талқини бўйича 11 марта дунёнинг энг нуфузли аёли номига сазовор бўлган (охирги марта 2016 йилда). Бироқ унинг имкониятларига қарамасдан, Германия биринчи хоними гардероби доим танқид остига олинади. Меркелнинг услуби Германия прагматиклиги тимсолидир. Меркель йирик тугмали жакет ва сондан бошлаб кенгайган шимларни маъқул кўради. Унинг аксарият комплектлари гамбурглик дизайнер Беттина Шёнбах томонидан яратилган. 2000 йилларнинг бошида у бошқа немис дизайнери Анна фон Гризхаймнинг либосларини ҳам кия бошлади. 2008 йилда Осло опера театрининг очилиш маросимида Меркель айнан шу дизайнернинг кўйлагида кўриниш берган. Унинг сипо гардеробини Longchamp француз бренди сумкалари ва бўлажак канцлер томонидан 1996 йилда Калифорнияда харид қилинган рангли накидка тўлдириб туради.
Тереза Мэй
Британия бош вазири Тереза Мэй сиёсатда ҳам, модада ҳам консерватив қарашларни афзал кўради. У асосан Англия брендлари: L.K. Bennett, Daniel Blake ва Amanda Wakeley либосларини маъқул кўради. Тереза Мэйнинг яна бир севимли дизайнери Вивен Вествуддир. Бош вазир гардеробида Vivienne Westwood бренди яшил-кўк катак-катак костюми бор.
Тереза Мэй ноодатий оёқ кийимларни хуш кўради. У РRussell & Bromley ботфордлари, Beverley Feldmen’дан қоплон териси нусхали лодочкаларини кияди. Бундан ташқаи, унинг коллекциясида Hobbs ва Anya Hindmarch аксессуарлари бор.
Қиролича Елизавета II
Елизавета II гардеробида ёрқин либослар кўп. 2002 йилдан буён қиролича кийиниш услуби билан Анжела Келли шуғулланади. У қиролича учун махсус комплектлар яратади ва исталган сонияда унга ёрдам кўрсатиш учун Букингем саройида яшайди. Келлининг сўзларига қараганда, Елизавета II либослар учун харажатларга пулларни беҳуда сарфламайди ва атроф-муҳитга нисбатан ғамхўр. Унинг сиполиги ва харидлардаги чегарани билиши сабаби ҳам шунда.
Қиролича фақат Британиянинг Launer бренди сумкаларини олиб юради. 1941 йилда ташкил топган компания ҳар йили Елизавета II нинг индивидуал буюртмасига асосан тўртта сумка яратади. Қироличанинг севимли моделлари Divа ва Traviata сумкаларидир.
Изоҳ (0)