Ўзбекистонда Huawei P10 Lite смартфони сотувга чиқди. Янги моделл метал корпус, 5,2 дюймли ва 1920х1080 пикселли экран, саккиз ядроли Kirin 658 процессори ҳамда 3 Гб тезкор хотира билан жиҳозланган, деб хабар берди «Mobinfo.uz».
Huawei P10 Lite’нинг аккумулятори 3000 мА/соатга тенг бўлиб, Smart Pоwеr-Sаving 5.0 энергия тежовчи функциясига эга. Зарядлаш қуввати 18 Вт бўлиб, 43 фоиз қувватлантиришни 30 дақиқада амалга оширади.
Смартфоннинг хусусиятлари ичидан видеолар оқимини трансляция қилиш, катта ҳажмдаги видеоўйинлар ва дастурларни ишга туширишни алоҳида таъкидлаш жоиз. Бармоқ изи сканери суратларни тезда кўриш, қўнғироқларга жавоб бериш, суратга олишни тезда амалга ошириш имконини беради. Смартфоннинг асосий камераси 12 мегапикселлга, фронтал камераси эса 8 мегапикселга тенг.
Huawei P10 Lite ижтимоий тармоқларни севувчилар учун АppТwin функциясини таклиф қилади. Ушбу функция битта қурилма орқали бир вақтнинг ўзида Facebook ёки WhatsApp’га иккита аккаунт орқали кириш имкониятини беради. Бундан ташқари, смартфондаги Wi-Fi Bridgе функцияси тўртта қурилмага Wi-Fi тарқатиши мумкин.
Пойтахтдаги савдо марказларида Huawei P10 Lite смартфони 2,4 миллион сўмдан сотилмоқда.
Номи келтирилган қурилмани кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.
Изоҳ (0)