Тошкентда Lenovo К5 Plus смартфони сотувга чиқди

Lenovo компанияси Ўзбекистонда Vibe К5 Plus смартфонини сотувга чиқарди. Янги смартфон енгил алюминий корпуси, 8 ядроли Snapdragon процессори билан жиҳозланган, деб хабар берди «Mobinfo.uz».

Бундан ташқари К5 Plus’га 5 дюймли IPS ва 1920х1080 пикселли дисплейи ўрнатилган. Смартфоннинг асосий камераси 13 Мп, фронтал камераси эса 5 мегапикселга тенг. Биргина «салбий» жиҳати — смартфон Google Android 5.1 Lollipop операцион тизимида ишлайди.

Бошқа эътиборли жиҳатлари: орқа томонида Dolby Atmos стереодинамикаси, шунингдек, овоз узатишнинг сифатини таъминлаш мақсадида иккита микрофон ўрнатилган. Бундан ташқари иккита SIM-карта учун слот ҳам мавжуд.

Пойтахт бозорларида Lenovo К5 Plus ўртача 1 миллион сўмдан сотилмоқда.

Lenovo Vibe К5 Plus смартфонининг техник тавсифи:

• 5 дюймли, IPS, FHD (1920х1080) дисплей;
• саккиз ядроли Qualcomm Snapdragon 616 процессори;
• операцион тизими: Android 5.1 Lollipop;
• тезкор хотираси: 2 Гб;
• ички хотираси: 16 Гб;
• асосий камераси 13 Мп, фронтал камераси 5 мегапикселга тенг;
• аккумулятор: 2750 мА/соат;
• иккита SIM-карта кетади;
• ранги: кумушранг, тилларанг ва кулранг;
• ўлчамлари: 142 х 71 х 8,2 миллиметр;
• оғирлиги: 150 грамм.