O‘zbekistonda Huawei P10 Lite smartfoni sotuvga chiqdi. Yangi modell metal korpus, 5,2 dyuymli va 1920x1080 pikselli ekran, sakkiz yadroli Kirin 658 protsessori hamda 3 Gb tezkor xotira bilan jihozlangan, deb xabar berdi “Mobinfo.uz”.
Huawei P10 Lite’ning akkumulyatori 3000 mA/soatga teng bo‘lib, Smart Power-Saving 5.0 energiya tejovchi funksiyasiga ega. Zaryadlash quvvati 18 Vt bo‘lib, 43 foiz quvvatlantirishni 30 daqiqada amalga oshiradi.
Smartfonning xususiyatlari ichidan videolar oqimini translyatsiya qilish, katta hajmdagi videoo‘yinlar va dasturlarni ishga tushirishni alohida ta’kidlash joiz. Barmoq izi skaneri suratlarni tezda ko‘rish, qo‘ng‘iroqlarga javob berish, suratga olishni tezda amalga oshirish imkonini beradi. Smartfonning asosiy kamerasi 12 megapiksellga, frontal kamerasi esa 8 megapikselga teng.
Huawei P10 Lite ijtimoiy tarmoqlarni sevuvchilar uchun AppTwin funksiyasini taklif qiladi. Ushbu funksiya bitta qurilma orqali bir vaqtning o‘zida Facebook yoki WhatsApp’ga ikkita akkaunt orqali kirish imkoniyatini beradi. Bundan tashqari, smartfondagi Wi-Fi Bridge funksiyasi to‘rtta qurilmaga Wi-Fi tarqatishi mumkin.
Poytaxtdagi savdo markazlarida Huawei P10 Lite smartfoni 2,4 million so‘mdan sotilmoqda.
Nomi keltirilgan qurilmani ko‘rsatilgan narxda sotib olishga “Daryo” nashri kafolat bermaydi. Qurilmalar va ularning narxlari haqidagi axborot faqat tanishish uchun taqdim etilgan.
Izoh (0)