Фарзандлари биринчи синфга бораётган ота-оналарнинг нотинч кунлари 2 сентябрдан эмас, балки ҳозирдан бошланган. Улар аллақачон болаларини мактабга ёздириш учун навбатга туришибди. Жойини ҳали аниқламаганлар эса таниш-билишларидан суриштириш ва очиқ эшиклар кунларига боришда давом этишмоқда. Биз сизга мактаб танлашда нималарга эътибор қаратиш тўғрисида айтмоқчимиз.
Яхши мактабнинг беш белгиси
- Мактаб тўғрисида маълумотлар очиқ бўлиши керак. Унинг нафақат рейтинглари, балки у ҳақида бошқа қизиқарли маълумотлар бўлган сайти бўлса янада яхши. Бу ерда сиз мактаб ўқитувчилари ва ота-оналар ўртасидаги фикр алмашишларни ўқишингиз мумкин бўлса, нур устига аъло нур бўлар эди.
- Айнан бир боғчадан болаларнинг қанчаси айни бир мактабга берилганига эътибор беринг. Агар болалар сони 50% дан кўп бўлса, фарзандингизни у ерга бемалол берсангиз бўлади.
- Мактабдаги ҳидга эътибор беринг: яхши ўқув муассасасида ҳожатхона ҳиди бўлмаслиги аниқ. Яхши тозаланмайдиган мактабни яхши деб айтиб бўлмайди.
- Мактаб деворлари «гапириши» керак. Агар улардан сизга фақат олимлар портретлари қараб туришган бўлса ёки уларга зерикарли маълумотлар ёзилган плакатлар осилган бўлса, бу жуда ҳам ачинарли. Мактаб деворларида тадбирлар, саёҳатлар, тўгараклар, воқеалар тўғрисида эълонлар бўлиши керак.
- Мактаб ўқувчиларининг ўзларига эътибор беринг. Агар улар сизни танишмаса ҳам, салом беришса – бу яхши мактаб. Агар болалар салом беришда кўзларингизга қарашса, унда бу жуда яхши мактаб бўлади.
Изоҳ (0)