Бугун — 6 июнь куни Ўзбекистон ва Таиланд миллий терма жамоалари Тошкентдаги «Бунёдкор» стадионида ўзаро саф тортади. Халқаро ўртоқлик ўйини ҳар икки томон учун ЖЧ—2018 саралашининг 8-тури олдидан тайёргарлик вазифасини ўтаб беради.
«Championat.asia» нашри маълумотига кўра, Ўзбекистон ва Таиланд термалари бунга қадар етти бор тўқнаш келган. Статистикадаги устунлик тайлар фойдасига: улар 5 та учрашувда зафар қучган ва 2 тасида имкониятни бой берган.
Тошкент шаҳрига Таиланд фақатгина бир марта — 2003 йил Осиё кубогининг саралаши доирасида ташриф буюрган ва 0:3 ҳисобида имкониятни бой берган. Ўзаро учрашувларнинг сўнггиси 2007 йил Таиланд Қирол кубоги доирасида ўтиб, тайлар 3:2 ҳисобида муваффақият қозонган.
Ўзаро ўйинлар
1994 йил, 7 октябрь. Ўзбекистон — Таиланд 5:41999 йил, 24 июль. Таиланд — Ўзбекистон 1:02000 йил, 18 май. Таиланд — Ўзбекистон 2:02000 йил, 3 сентябрь. Таиланд — Ўзбекистон 4:22003 йил, 8 ноябрь. Ўзбекистон — Таиланд 3:02003 йил, 21 ноябрь. Таиланд — Ўзбекистон 4:12007 йил, 22 декабрь. Таиланд — Ўзбекистон 3:22017 йил, 6 июнь. Ўзбекистон — Таиланд ?Ўзбекистон терма жамоаси 12 июнь куни Теҳронда Эронга қарши майдонга тушади. «Озоди» стадионидаги ўйингача форслар Подгорицада Черногория билан ўйнаб, 2:1 ҳисобида муваффақият қозонди.
Изоҳ (0)