Мадриднинг «Реал» клуби ҳужумчиси Криштиану Роналду Чемпионлар лигаси финали олдидан Месси ҳақида ижобий фикрлар билдирди. Бу ҳақда «Sports.ru» Криштианунинг FOX Sports Argentina’га берган интервьюсига таяниб маълумот тақдим этди.
Ҳа, Месси менга ёқади. Мен яхши футболчилар иштирокидаги ўйинларни томоша қиламан, Месси эса улардан бири. У юлдуз ва намойиш қиладиган футболи завқли.Қандай қилиб менга ёмонлик қилмаган одамни ёмон кўришим мумкин?! Мессидан мен ҳақимда сўраганларида ҳам фақат яхши гапларни айтган. Чунки ўртамизда илиқ муносабат бор, бир-биримизни ҳурмат қиламиз. Бизни ҳаётда ҳам рақиблардек кўрсатиш ОАВнинг иши. Аҳир улар ҳам бизнес қилиши керак.
Тўғри, биз Месси билан дўст эмасмиз, у билан тушлик қилмаймиз. Бироқ бир-биримизни ҳурмат қиламиз. У менга душман эмас, балки ҳамкасб. Месси билан сўнгги ўн йил давомида бир қатор тақдирлаш маросимларида бирга иштирок этганимиз ҳам алоқаларимизни яхшилайди.
Криштиану Роналду, «Реал» ҳужумчиси
Изоҳ (0)